AMED- Baroya Amedê têkildarî şewata li gundên Çinarê û Şemrexê rû da, der barê berpirsiyaran de gilî kir. Baroya Amedê têkildarî şewata li gundên di navbera navçeya Çinara Amedê û navçeya Şemrexa Mêrdînê qewimî û 5 kesan jiyana têde ji dest da, der barê berpirsiyaran de gilî kir. Baroyê serî li Serdozgeriya Komarê ya Çinarê da û xwest serdozgerî der barê sedema derketina şewatê û îdiayên mudaxileya derengmayî de lêkolînan bike û lêpirsînek bi bandor bi rê ve bibe.