AMED TIMES - Piştî ku li ser medya civakî wêne û vîdoyên êriş û destwerdana li ser hişyariyên hatinçûyînê yên Kurdî hatine kirin, hatin belav kirin; Şaredariya Mezin a Wanê daxuyaniyekî belav kir.
Di daxuyaniya şaredariyêde agahiyên wiha hatin ragihandin:
"Tabelaya hişyariya hatûnçûnê ya kurdî ya "pêşî peya" ya ku ji aliyê Şaredariya Bajarê Mezin a Wanê li ser rêyan li gelek deverên bajêr hatibûn nivîsandin armanc hatin girtin û li ser wan nivîsa "Tirkiye Tirk e, Wê Tirkî Bimîne" hat nivîsandin. Ev êrîş ji aliyê gel ve rastî bertekeke mezin hat. Şaredariya Bajarê Mezin, têkildarî êrîşê daxuyaniyek da û diyar kir ku bi vî rengî rê li ber xebatên pirzimanî yên şaredariyê nayê girtin. Di daxuyaniyê de bang li saziyên pêwendîdar û bi taybet saziyên dadwerî hat kirin ku li dijî kesên ku ev êrîş pêk anîne bikevin nava tevgerê."
