AMED TIMES - Hevserokê Giştî yê DEM Partiyê Tuncer Bakirhan yê ku li meclîsê de axivî, behsa agirê navçeya Şemrexê ya Mêrdînê û navçeya Çinarê ya Amedê kir. Tuncer Bakirhan behsa îhmalkariyên Saziya Elektrîkê ya Dîcleyê (DEDAŞ) kir û got: “Li herêmê belaya DEDAŞê heye. A rast ev yek gelek caran hatiye ziman. DEDAŞ li herêmê wek Dehaq tê zanîn. Kes nabêje DEDAŞ her kes dibêje Dehaq. Çav berdaye nan, xwarin, kar û barên xelkê û wan desteser dike. Bepirsiyarê sereke yê vê felakete DEDAŞ e. Bawer bikin dema em çûn, em şaş û metel man. Cotkar nikarin heqê fatûreyên xwe bidin. DEDAŞ jî radibe îcrayê ji wan re dişîne û dest datîne ser zeviyan wan û mal û milkên wan. DEDAŞ dîrekên 50 salî yên darî neguhertine. Ev nêzî 50 sal in li bajarê Kurdan ti xizmetguzarî nekiriye û ti pere xerc nekirine. DEDAŞê xwestiye kara xwe û karê xwe zêde bike û çav berdaye berîka xelkê.”