AMED TIMES- Li navçeya Erdîşê ya Wanê, di çarçoveya çalakiyên Cejna Zimanê Kurdî de mîtînga ziman tê lidarxistin.
Li Wanê ji 10ê Gulanê ve di çarçoveya 15ê Gulanê Cejna Zimanê Kurdî de çalakî tên sazkirin.
25ê Gulanê jî dê li navçeya Erdîşê bi dirûşma “Her dem Kurdî her der Kurdî” mitînga ziman bê sazkirin.
Mitîng dê li Fener Alayiyê ya li Taxa Sahîl Kentê demjimêr 10.30an dest pê bike.
Mîtîng ji aliyê Komeleya Lêkolînên Ziman Çand û Hunerê ya Arsîsayê (ARSÎSA), Kovara Destarê, Tevgera Jinên Azad (TJA), Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî), Komeleya Mafên Mirovan (ÎHD) û Platforma Ked û Demokrasiyê ya Wanê ve tê organîzekirin.
Saziyên ku mîtînga ziman organîze dikin roja Pêncşemê li navenda Erdîşê belavok belav kirin û xelk vexwendin çalakiyê.