Amed- Tiryakî got ku bi biryara “tevdîrên teserûfê” re rê li ber şaredariyan tê girtin ku xizmetê bikin. Hevşaredarên Partiya Wekhevî û Demokrasiyê ya Gelan (DEM Partî) li Amedê civiyan. Tîryakî bal kişand ser encama hilbijartina rêveberiyên herêmî ya 31ê Adarê got: “Dema me şaredarî bi dest xistin, me dît ku ne tenê îradeya gel, her wiha îro û pêşeroja gel, çavkaniyên gel jî hatine dizîn. Ne tenê salek, du sal, 10 salan jî tevahiya dahatên şaredariyê bên dayîn jî deynên şaredariyan xelas nabin. Tîryakî anî ziman, di demên pêş de em ê têkildarî tevdîrên teserûfê ku nahêlin şaredarî xizmetê bikin, bi wezaretan re hevdîtinan bikin. Em ê hewl bidin pirsgirêkên heyî çareser bikin.”